Со пораката „Built on a vision. Continued by a community.“, Самитот ја продолжува визијата на Филип Аврамчев и приказната за градење посилна регионална AI заедница. Оваа година посетителите ги очекува уште побогата програма, со фокус на актуелните AI теми, практични искуства и технологии што ќе можат да се видат и тестираат на лице место.
Целосно AI искуство
AI Tech Summit е замислен како целосно AI искуство што ги спојува меѓународните говорници и големите разговори за иднината со практичната страна на технологијата.
Под мотото „Human x AI – Каде што иновацијата се сретнува со човечкиот потенцијал“, овогодинешниот Самит ќе се фокусира на тоа како AI ги трансформира индустриите и работните процеси, но и како луѓето и компаниите можат да ја применат паметно, практично и одговорно.
Во текот на двата дена ќе се отворат теми како AI агенти, AI инфраструктура, физички AI системи, роботика, автономни возила, AI во бизнисот и податоците, како и иднината на односот меѓу човекот и технологијата. Се очекуваат до 20 меѓународни говорници, заедно со локални експерти, панелисти и презентери.
Покрај сценската програма, посетителите ќе можат да го доживеат AI и од практична перспектива преку AI Labs, Expo, Hackathon, product demos, smart gadgets и роботи.
Извор: AI Tech Summit „Filip Avramchev“
Место за идеи, знаење и нови поврзувања
AI Tech Summit „Filip Avramchev“ ќе ги собере на едно место бизнис лидерите, претприемачите и компаниите со AI инженери, програмери, стартапи, студенти и млади таленти. Токму спојувањето на луѓето што ги носат деловните одлуки со оние што ги градат AI решенијата на следната генерација е една од клучните идеи на настанот.
Во рамки на Hackathon-от, студентски тимови ќе имаат можност да работат на реални AI предизвици со поддршка од ментори, компании и партнерски технологии, претворајќи ги идеите во конкретни решенија.
На 22 и 23 септември, Скопје повторно ќе биде место каде што ќе се сретнат глобалните AI теми, регионалниот талент, бизнисот и технологијата, со една заедничка цел: вештачката интелигенција да се доближи до нејзината реална примена.
Извор: AI Tech Summit „Filip Avramchev“
Со големо задоволство најавуваме дека webmind.mk е медиумски партнер на AI Tech Summit „Filip Avramchev“ Skopje 2026. Во периодот што следува ќе ги пренесуваме најважните новости за говорниците, темите и технологиите што ќе ја одбележат овогодинешната програма.
За повеќе информации за програмата, говорниците и можностите за учество, следете ги официјалните канали на AI Tech Summit “Filip Avramchev” и посетете ја www.techsummit.ai.
TEST POST 54
